+7 (777) 001 44 99
Қазақша
Русский
English
Қазақша
Русский
English
Өткен сейсенбі күні Қызылордадағы орталық алаң сахнасында ауыр атлетикадан төрт дүркін әлем чемпионы Илья Ильиннің құрметіне арналып ән орындалды, - деп хабарлайды "Кызылординские вести".
"Көрермендер бірінші рет көпшілік алдында орындалған "Илья – чемпион!" әнін үздіксіз қол шапалақтап отырып, тыңдады. Әннің авторы – қызылордалық танымал композитор Алтын Бекенова және ақын Махмұтбай Әміреұлы. Әнді Баян Бектұрған, Алмас Қожахметов және Бақытжан Найманов үштігі орындады", - деп жазады басылым.
"ИЛЬЯ – ЧЕМПИОН"
Әні: Алтын Бекенова
Сөзі: Махмұтбай Әміреұлы
Жаралған жаның ерліктен,
Қаһармандықтан, өрліктен.
Жеңіске жеттің тағы да,
Алаңдап көптен ел күткен.
Қайырмасы:
Илья - асыл ұланым,
Самғаған биік қыраным.
Көтердің елдің тағы да,
Байрағын, әнін, ұранын!
Қос дүркін алтын алдырдың,
Қос дүркін тауды тауға ұрдың.
Көтеріп жеңіс тұғырын,
Қол жетпес көкте қалдырдың.
Илья Ильин - тау тұлға,
Қалдың сол таудай қалпыңда.
Таңдантың тағы әлемді,
Асырдың Сырдың даңқында.
Шаттық та шалқып, тасуда,
Ұланым Жеңіс басында.
Мерейің өсіп, ұлы елім,
Жарқыра жаңа ғасырда.
Илья - золотой чемпион,
Подарил много радости.
Синий флаг гордо в небо взмья,
Илья по правду победил!
Илья Ильин - алыбым,
Толағай болған тау ұлым.
Жарқырап жанған жұлдызым,
Жаһанға жайған жарығын.
Бұл ән Ильиннің Алматыда өткен әлем чемпионатындағы жеңісіне арналған мерекелік концерт бағдарламасы аясында шырқалды. Сондай-ақ, осы кеште Кеңес Дүйсекеевтің, Рамазан Таймановтың, Бәкір Тәжібаевтың және басқа да танымал қазақстандық ақындар мен композиторлардың әндері орындалды.
