15 қыркүйек 2017 | 08:52

"Астана" футбол командасы "Вильярреалға" есе жіберді

Ардақ Құлтаев

"Астана" футболшылары Еуропа Лигасының топтық кезеңінде сырт алаңда өткен кездесуде испанның "Вильярреал" клубынан жеңіліп қалды, - деп хабарлайды Vesti.kz.

"Астана" футболшылары Еуропа Лигасының топтық кезеңінде сырт алаңда өткен кездесуде испанның "Вильярреал" клубынан жеңіліп қалды, - деп хабарлайды Vesti.kz.

Ойын 14 қыркүйекте "Эстадио де ла Серамика" стадионында өтіп, 3:1 есебімен аяқталды. Бірінші голды алаң иелері соғып кетті. Бұл 16-шы минут болатын - италиялық шабуылшы Никола Сансоне көзге түсті.

Екінші таймда "Астана" есепті теңестірген. Гол авторы (68-ші минутта) қорғаушы Юрий Логвиненко ганалық форвард Патрик Твумасидің бұрыштамадан көтерген добын баспен қақпа торында тулатты.

Алайда тең есепті сақтап тұру мүмкін болмады. 75-ші минутта алмасқан Седрик Бакамбю гол соқты. Тағы бірнеше минут өткенде "Вильярреалдың" ресейлік жартылай қорғаушысы Денис Черышев отандық клубтың қақпасына доп салып кетті.