+7 (777) 001 44 99
Қазақша
Русский
English
Қазақша
Русский
English
Астаналық биші Николай Черников (Killa Kolya) қазақстандық брейкинг тарихында алғаш рет әлемдік Red Bull BC One турнирінің финалына дейін жетті, - деп хабарлайды Tengrinews.kz тішісі.
Бұған дейін ол іріктеудің бірнеше кезеңінен өтті - Бішкекте өткен Орталық-Азия сайферінде жеңіске жетті, Тбилисиде Red Bull Western Europe Final чемпионы болды. Николай өзіне ғана тән стилімен ерекшеленеді.
Римде өткен финалдық баттлда Николай АҚШ-тан келген El Nino-ға жол берді. Дегенмен зал шулап, қазақстандық Killa Kolya-ның жеңімпаз болуға лайық екенін айтып жатты.
Палаццо дей Конгрессиде (Palazzo dei Congressi) өткен кеште 16 биші бір-бірімен бақ сынасты.
Қазылар алқасына бес адам - Cico, Wing, Poe One, Focus және Lamine кірді. Олар қатысушылардың әртістік қасеттерін, хореографиясын, сонымен қатар би-бойлардың қимылдарына баға берді. Кештің ойын-сауық бағдарламасына хип-хоп жұлдызы Les Twins пен балерина Элеонора Аббагнатоның қойылымы кірді.
Турнир жеңімпазы АҚШ бишісі Victor Elmero болды. Флорида штатының тұрғыны алты жасынан бастап би билеген. Финалда ол португалиялық би-бой Bruce Almighty-мен сайысты.
"Жанкүйерлер оның атын атады, дегенмен мен мән берген жоқпын, - деді Victor. - Мен бұл шараның жеңімпазы атануды бала кезімнен армандадым. Осы сахнаға қалай шығу керегін ойладым, әйтеуір жеңіске жеттім. Бұл керемет сезім".
Red Bull BC One сайысы алғаш рет 2004 жылы өтті. Енді ол брейк-данс әлемінде ең басты шара болып отыр. Жыл сайынғы сайыс бұған дейін Германия, Бразилия, Оңтүстік Африка, Франция, АҚШ, Жапония, Ресей және Оңтүстік Кореяда өтті. Келесі жылы Red Bull BC One шарасының 13-ші финалы қайтадан Жапонияда өтеді.
