+7 (777) 001 44 99
Қазақша
Русский
English
Қазақша
Русский
English
Алматыда болған жер сілкінісінен зардап шеккендер жоқ, - деп хабарлайды Tengrinews.kz Ішкі істер вице-министрі Владимир Божконың Твиттердегі блогына сілтеме жасай отырып.
Еске салайық, жер сілкінісі бүгін түнде Астана уақытымен 3:42-де тіркелген болатын. Ведмоство өкілдері мәлімдеп отырғандай, сағат 3:50 шамасында құтқарушыларға жер сілкінісі болған аумақты тексеріп шығу тапсырылды.
"Алматыдағы Төтенше жағдайлар департаментінің хабарлауынша, облыс аумағында және Еңбекші қазақ ауданында зардап шеккендер жоқ" - деп жазады В.Божко өзінің Твиттердегі блогында.
Төтенше жағдайлар комитетінің деректеріне сүйенсек, Алматыда таяу арада күшті жер сілкінісі болмайды. Комитет өз хабарламасында "14-20 тамыз аралығындағы кординаттық есептеу φ=42о30′-44о00′N және λ=75о00′-80о00′Е болып шектеліп отыр. Алматыда 7 балдық және MSK-64 шкаласынан жоғары жер сілкінісі болмайды" - деп хабарлады.
Еске салайық, тамыздың 15-інен 16-сына қараған түні Алматы облысында 5,2 балдық жер сілкінісі болды.
Жер сілкінісінің ошағы Алматыдан шығысқа қарай 41 шақырым қашықтықта, Қазақстан аумағында орналасқан.
