09 желтоқсан 2014 | 16:46

Қазақстанға құпия құжат алып кірмек болған қырғыз дипломаты ұсталды

"Ақ-Жол" - "Қордай" шекара посты. ©Tengrinews.kz

Қазақстанға құпия құжат алып кірмек болған қырғыз дипломаты ұсталды, - деп хабарлайды Tengrinews.kz Қырғыз Республикасының Шекара қызметіне сілтеме жасап. Ер адам құпия құжаттарды шекара тұрағы арқылы алып өтпек болды.

Қазақстанға құпия құжат алып кірмек болған қырғыз дипломаты ұсталды, - деп хабарлайды Tengrinews.kz Қырғыз Республикасының Шекара қызметіне сілтеме жасап. Ер адам құпия құжаттарды шекара тұрағы арқылы алып өтпек болды.

Өзбекстандағы Қырғызстан елшілігінің қызметкері қызметке пайдаланатын мемлекеттік құпия құжаттармен Қазақстанның "Ақ-Жол" - "Қордай" шекара постында ұсталды. Құпия құжаттары бар дипломаттың ұсталуы жайлы іс Қырғызстанның Ұлттық қауіпсіздік қызметіне жіберілді. "Ұсталған адам жайлы нақты ақпаратты әзірше бере алмаймыз. Мәліметтер нақтыланып жатыр", - деп мәлімдеді ҚР Мемлекеттік Ұлттық қауіпсіздік комитетінің баспасөз хатшысы Рахат Сұлайманов.

Еске сала кетейік, бұл - Қырғызстанда соңғы төрт айда болған тыңшылыққа қатысты екінші дау. 2014 жылдың 4 қарашасында Бішкекте Қырғызстан Мемлекеттік ұлттық қауіпсіздік комитетінің қызметкерлері елдің бұрынғы премьер-министрі Амангелді Мұралиевтің ұлы Алтынбек Мұралиевті тыңшылық әрекеті үшін ұстаған еді. Ел үкіметі аппаратының халықаралық ынтымақтастық бөлімінің меңгерушісі Алтынбек Мұралиевке шетелдік азаматтарға мемлекеттік құпиядан тұратын мәліметтерді берді деген күдік келді. Оның үстінен "Қызметтік құпиядан тұратын мәліметтерді шетелдік ұйымдарға беру немесе оларды сол мақсатпен жинау" бабы бойынша қылмыстық іс қозғалды. Республиканың Мемлекеттік Ұлттық қауіпсіздік комитетінің қоғаммен байланыс бөлімінің өкілдері Алтынбек Мұралиевтің құпия құжаттарды қай мемлекеттің мүддесі үшін жібермек болғанын нақтыламай отыр.

ҰҚК Қырғызстан Шекара