+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Солтүстік Қазақстанда 37 жастағы әйел интернет-қарақшылықпен айналысқан, - деп хабарлайды Tengrinews.kz тілшісі СҚО ІІД баспасөз қызметіне сілтеме жасап.
Солтүстік Қазақстанда 37 жастағы әйел интернет-қарақшылықпен айналысқан, - деп хабарлайды Tengrinews.kz тілшісі СҚО ІІД баспасөз қызметіне сілтеме жасап.
Баспасөз қызметінің хабарлауынша, еш жерде жұмыс істемейтін астаналық әйелдің колеса.kz сайтына жалған хабарландыру жариялап, оған хабарласқан облыс тұрғындарының бірінен алдын ала төлем жасауын талап еткені анықталды.
"Әйел түрлі маркадағы автокөліктердің қосалқы бөлшектерін сатамын деп, хабарландыру жариялаған. Кейін тұрғындардың бірінің алдын ала төлемін банк карточкасы арқылы алып алып, байланысқа шықпай қойған", - деді баспасөз қызметіндегілер.
ІІД мәліметтері бойынша, әйел ұсталып, тұрғынның ақшасы өзіне қайтарылды, екі тарап ымыраға келді. Мұндай жағдайға тап болмау үшін полицейлер мынадай кеңес беріп отыр:
- тауарды сатып алу (сату) кезінде алдын ала төлем жасауға келіспеңіз;
- белгісіз адамдарға ақша аудармаңыз;
- банк карточкасының номерін, пин-кодты, ұялы телефонға келетін құпия сөзді ешкімге айтпаңыз.
Полицейлердің айтуынша, жалған хабарландырулар көп жағдайда Kolesa, Olx, Instagram, Krisha сайттары арқылы жарияланады. Алаяқтар пәтер, көлік немесе өзге де заттарды сатамын деп алдап, ақша ұрлайды немесе сатып алушы болып, алдын ала төлем жасауды ұсынып, банк карточкасына қатысты барлық мәліметті алып, ондағы қаржыны шешіп алады.
Айта кетейік, СҚО ІІД "Контрафакт" операциясын жүргізді. Іс-шара кезінде 14 қылмыстың беті ашылды, олардың 11-і интернет-қарақшылық.
