+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Бүгін Астана әкімі Бақыт Сұлтанов көшпелі отырыс өткізді және қаланың тыныс-тіршілігіне жауапты қалалық коммуналдық кәсіпорындарға барды, оның ішінде – "АРЭК" АҚ, "Астана су арнасы", ЖЭО-2.
Бүгін Астана әкімі Бақыт Сұлтанов көшпелі отырыс өткізді және қаланың тыныс-тіршілігіне жауапты қалалық коммуналдық кәсіпорындарға барды, оның ішінде – "АРЭК" АҚ, "Астана су арнасы", ЖЭО-2.
Қаланың тіршілігіне жауапты негізгі коммуналдық кәсіпорындардың жұмысы туралы оның орынбасары Қосман Айтмұхаметов баяндады. Аралау барысында Сұлтанов "АРЭК" АҚ, "Астана су арнасы" және ЖЭО-2 барды. Айтмұхаметовтің айтуынша, қазіргі таңда қаланы жылу маусымына дайындау жұмыстары аяқталуға жақын. Тұрғын үйлер мен әлеуметтік нысандардың жылуға дайындығы 97 пайызды құрайды. 12 шақырым су құбыры және 5 шақырым кәріз желісі қайта жөндеуден өтті. Бақыт Сұлтанов осы жұмыстарды ерекше бақылауға алуды тапсырды.
"Біздің жұмысымызды тұрғындар қызмет көрсету сапасы арқылы бағалайды. Біз барынша қолайлы жағдай жасауымыз керек, әсіресе жылу маусымы кезінде. Су, жылу, жарық үзіліссіз берілу керек", - деді Сұлтанов.
Сондай-ақ Астана әкімі Қалалық "iKomek" жедел әрекет ету орталығының жұмысымен танысты. Бүгінде "iKomek" орталығы дер кезінде кемшіліктерді жоюды үйлестіріп отыратын құрал ретінде әрекет етеді және Астананың "тыныс-тіршілігіне" мониторинг, талдау жасайды. Тұрғындардың 77 пайызының арыз-шағымы бірінші қоңыраудан-ақ шешімін тауып, аталмыш көрсеткішті 85 пайызға дейін жеткізу жоспарлануда. Бұл туралы Сұлтановқа орталықтың басшысы Жанат Дубирова айтып берді.
Кезекті аралаудың соңында Сұлтанов № 27 көшедегі жол құрылысы мен жөндеу жұмыстары бойынша көшпелі кеңес өткізді.
Бүгінде Астананың жол-көше желісі 1039 көшеден құралады, жалпы ұзындығы 1102,32 шақырым, оның 837,82 шақырымы (немесе 76 пайызы) асфальтбетон төселген, қатты жабындысыз төсем – 264,5 шақырым (24 пайыз). Инженерлік кешен 8 көлік жол айырығынан, 17 автожол көпірінен, 5 жаяу жүргіншілер көпірінен, 9 өтпежолдан тұрады. Айтмұхаметовтің айтуынша, ұзындығы 71,8 шақырым 98 көшені салып, жөндеу жоспарланған, оның ішінде 22 магистральді қала көшелері, ұзақтығы 20,8 шақырым және 65 көше, ұзындығы 35,3 шақырым тұрғын алаптарында салынды. Орташа жөндеу жұмыстары барысында 15,7 шақырым жолдың 11 көшесіне төсем жасалынды. Сұлтанов құрылыстың қарқынын жылдамдатып, алғашқы суық түскенше жолдарды мерзімінде беруді тапсырды.
