+7 (777) 001 44 99
Қазақша
Русский
English
Қазақша
Русский
English
Қазақстан Республикасы Ұлттық экономика министрлігінің Тұтынушылардың құқықтарын қорғау комитеті 2016 жылғы қараша-желтоқсан айларында Астана қаласында сатылып жатқан бензиннің сапасын тексерді, - деп хабарлайды Tengrinews.kz тілшісі.
Комитет осы аталған кезеңде "Sinooil" ЖШС-ның (Қорғалжын тас жолы, 116, Кравцов көшесі, 8), "Новая АЗС" ЖШС-ның (Қосшығұлұлы көшесі, 3, "Compass" АЖҚС), "Газпром нефть Казахстан" ЖШС-ның (Бөгенбай батыр даңғылы, 24), "Ойл" ЖШС-ның (С. Сейфуллин көшесі, 63/4), "Номад Ойл" ЖШС-ның АЖҚС (Керей-Жәнібек хандар көшесі, 9) автомобильге жанар-жағармай құю станцияларындағы автомобиль бензині мен дизель отынының сапасына мониторинг жүргізді.
"Сынақ зертханалары автомобиль бензинінің 13 сынамасын зерттеді, оның ішінде бензиннің 3 сынамасы (23%): "Газпром-Омский НПЗ" АҚ өндірген ("Ойл" ЖШС-ның АЖҚС, С. Сейфуллин көшесі, 63/4), "Башнефть" ААҚ өндірген ("Номад Ойл" ЖШС-ның АЖҚС, Керей-Жәнібек хандар көшесі, 9) бензиндегі күкірттің құрамы және "Башнефть" ААҚ өндірген ("Номад Ойл" ЖШС-ның АЖҚС, Керей-Жәнібек хандар көшесі, 9) бензиндегі бензолдың көлемдік үлесі "Автомобиль және авиация бензиніне, дизель және кеме отынына, реактивті қозғалтқыштар мен мазутқа арналған отынға қойылатын талаптар туралы" 013/2011 КО ТР талаптарына сәйкес келмейді", - делінген хабарламада.
Сондай-ақ, дизель отынының 5 сынамасы тексеріліпті, оның ішінде отынның 1 сынамасы (20%) "Ачинский нефтеперерабатывающий завод ВНК" ААҚ өндірген (Қосшығұлұлы көшесі, 3, "Новая АЗС" АЖҚС) отынның тұтану температурасы 013/2011 КО ТР талаптарына сәйкес келмеген.
Сәйкес келмейтін бензинді өткізудің барлық фактілері бойынша кәсіпкерлік субъектілер әкімшілік жауаптқа тартылғаны айтылады.
