Ата-бабасының жеңілісі туралы кім жеңімпаздың ұрпағымен әңгіме айтқысы келеді дейсіз...
Көрші бөлмеде тұратын қалмақ қызбен жақсы араласам. Кеше біздің бөлмеге келді. Шай ішіп отырғанда одан: «Өзіңнің ана тіліңді білесің бе? Жалпы қалмақ халқының саны қанша?» деп сұрадым. «Қалмақстанда 150 мыңдай қалмақ бар, жалпы Ресейде 200 мыңдай ғана. Өзімнің тілімді испан тілін білгендей білем, тіпті ана тіліме қарағанда испан тілін жақсы білем. Біздің тіл біраз жылдан кейін «өлі тілге» айналады. Мектепте аптасына екі сағат қана қалмақ тілі мен әдебиетін оқимыз. Мен ғана емес, қалмақ жастарының көпшілігі ана тілінде сөйлей алмайды» деп мұңая жауап берді.
