+7 (777) 001 44 99
Қазақша
Русский
English
Қазақша
Русский
English
Орта салмақта WBO тұжырымы бойынша әлем чемпионы ұлыбританиялық Билли Джо Сондерстің (26-0, 12 КО) промоутері Фрэнк Уоррен боксшының келесі жекпе-жегі туралы айтты.
Оның сөзінше, Сондерс екінші орта салмаққа көтеріліп, IBF чемпионы Джеймс ДиГейлмен (24-2-1, 12 КО) жұдырықтасуы мүмкін. Егер боксшылар келісе алса, жекпе-жек 15 қыркүйекте Лондондағы O2 аренасында өтеді.
"Бұл жекпе-жек болады деген ойдамын. Билли ірі жекпе-жек үшін үлкен салмаққа өте алады. Дигейлмен жекпе-жек айтулы оқиға болмақ. Жанкүйерлер мұндай жекпе-жекке қуанады", - деп келтіреді Уореннің сөзін BoxingScene.com.
Еске салайық, Сондерс 23 маусымда отандасы Мартин Мюрреймен (36-4-1, 17 КО) жұдырықтасып, атағын қорғауы қажет. Бірақ Лондонда өтуі керек болған жекпе-жек чемпионның жарақатына байланысты болмай қалды. Кейін британиялықтың WBA (Super), IBO, WBC чемпионы Геннадий Головкинмен келіссөз жүргізгені беліглі болды. Осыдан кейін Мюррей оның жарақаты сылтау ғана болғанына күдіктенді.
