+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Қостанайда бір түннің ішінде жеті көлік ұрланды, - деп хабарлайды Tengrinews.kz тілшісі Қостанай облыстық ішкі істер департаментінің баспасөз қызметіне сілтеме жасап. Жыл басынан бері Қостанайда 18 автокөлік ұрланып, 11 қылмыс ізі суымай ашылды. Ұрланған көліктердің басым бөлігі - Қостанай облысында тіркеуде тұрған "ВАЗ" маркалы автокөліктер.
Қостанайда бір түннің ішінде жеті көлік ұрланды, - деп хабарлайды Tengrinews.kz тілшісі Қостанай облыстық ішкі істер департаментінің баспасөз қызметіне сілтеме жасап. Жыл басынан бері Қостанайда 18 автокөлік ұрланып, 11 қылмыс ізі суымай ашылды. Ұрланған көліктердің басым бөлігі - Қостанай облысында тіркеуде тұрған "ВАЗ" маркалы автокөліктер.
Баспасөз қызметінің мәліметінше, қаңтардың 16-сынан 17-сіне қараған түні "ВАЗ-21214", "ВАЗ-21144", "ВАЗ-2114", "ВАЗ-2114", "ВАЗ-2114", "ВАЗ-2114", "ВАЗ-2170" ("Нива") маркалы жеті автокөлік ұрланған. Айта кетейік, ұрланған көліктер туралы толық мағлұматты Қостанай облыстық ішкі істер департаментінің сайтынан көруге болады.
Көлік ұрлығының көбеюіне байланысты Қостанай ІІД басшысының бұйрығымен тәжірибелі қызметкерлер жасағынан тұратын жедел - іздестіру тобы құрылды. Қазіргі таңда қылмысқа қатысы бар тұлғаларды анықтау шаралары жүргізіліп жатыр.
Еске сала кетейік, 6 қаңтарда Ақмола облысында 16 жастағы жасөспірімнің бір түнде үш автокөлікті ұрлап әкеткені хабарланған болатын. Жасөспірім жасаған қылмысын мойнына алды, бұл деректер бойынша Қылмыстық кодекстің "Көлік ұрлау", "Ұсақ жымқыру" және "Көлік ұрлауға қастандық жасау" баптарымен қылмыстық іс қозғалды. Күдікті ата-анасының кепіл болуымен босатылды.
