+7 (777) 001 44 99
Қазақша
Русский
English
Қазақша
Русский
English
Мәжіліс депутаттары бүгін қаржы нарығын дамыту және қаржылық қызметтерді тұтынушылардың құқықтарын қорғау мәселелері бойынша заңды екінші оқылымда қабылдады, - деп хабарлайды Tengrinews.kz тілшісі.
Мәжіліс депутаты Ерлан Стамбековтің айтуынша, заң жобасымен жұмыс барысында бірінші оқылымнан кейін жаңа түзетулер енгізілген. Атап айтқанда, олар мына мәселелерге қатысты:
- мерзімді әскери қызметтегі әскери қызметшілерге несие мен микронесие беруге тыйым салу;
- тұтынушылық кепілсіз онлайн-несиелер беру кезінде "суыту" кезеңін (24 сағат) енгізу;
- кейбір азаматтар санатына кепілсіз тұтынушылық несиелерді тек электрондық үкімет порталы арқылы рәсімделген келісімнен кейін беру талабы;
- банктер мен микроқаржы ұйымдарының алаяқтық жолмен алынған несиелер мен микронесиелерді есептен шығару негіздерін кеңейту;
- табиғи немесе техногендік төтенше жағдайлар салдарынан зардап шеккен азаматтарға арналған мемлекеттік бюджеттен немесе қайырымдылық ұйымдарынан төленетін қаражатты үшінші тұлғалардың өндіріп алуына тыйым салу;
- әлеуметтік осал топтарға жататын азаматтарға несиелер мен микрокредиттер бойынша кемінде үш ай мерзімге кейінге шегеру беру, сондай-ақ ай сайынғы төлем мөлшерін 50 пайызға және одан көпке азайту.
"Сонымен қатар, Қазақстанда шетелдік банктердің еншілес ұйымдары мен филиалдарын ашуға қойылатын талаптарды ырықтандыру мақсатында заң жобасы шетелдік банктің жиынтық активтерінің ең төменгі мөлшерін 20 миллиард доллардан 10 миллиард долларға дейін төмендетеді. Шетелдік банктің филиалын ашуға рұқсат алу үшін қажетті құжаттар тізімі қысқарды, сондай-ақ филиал жүзеге асыра алатын банктік қызмет түрлерінің тізімі кеңейтілді", – деді Стамбеков.
Сондай-ақ, заң қаржы ұйымдарын басқаруға бұған дейін қаржы ұйымын мәжбүрлеп таратуға әкелген адамдардың келуіне жол бермеу мақсатында мінсіз іскерлік беделге қойылатын талаптарды күшейтуді ұсынады. Бұдан бөлек, банктер мен банк холдингтерінің финтех-компанияларды сатып алу мүмкіндіктері кеңейеді.
Депутаттар заңды қабылдауға дауыс берді, енді ол Мәжілістің қарауына жіберіледі.
