+7 (777) 001 44 99
Қазақша
Русский
English
Қазақша
Русский
English
KASE қор биржасының күндізгі сессиясы доллар бағамының 239,5 теңге көрсеткішінде аяқталды, - де хабарлайды Tengrinews.kz тілшісі. Еске салайық, доллар бағамы таңғы сессияда 252,47 теңге болған. Күндізгі сессияның саудасы 11.30-дан 15.30-ға дейін жалғасты. Бірінші келісім 249,6 теңгемен жасалды. Саудаға жалпы валюта нарығының 17 өкілі қатысты. Келісімнің минималды құны - 237, ал максималдысы - 249,6 теңге. Сауда көлемі 11,76 миллиард теңгеден асты.
Еске сала кетейік, 21 тамыздың таңғы сессиясында доллар бағамы 20 тамыздың таңғы сессиясының бағамынан 2,79 теңгеге аз болды. Сауда көлемі 49,6 миллион доллардан асты, бұл сома кешегіге қарағанда 69,95 миллионға аз. 2015 жылдың 20 тамызының кешкі сессиясы доллар бағамының 252,26 көрсеткішінде аяқталды. Көлемі 21,5 миллион доллар болатын саудаға валюта нарығының 13 адамы қатысты.
Еске салайық, 2015 жылдың 20 тамызында ҚР Үкіметі Ұлттық банкпен бірігіп, теңгенің еркін ауытқу бағамына өту туралы шешім шығарды. Мұнда инфляциялық таргеттеу режимінің негізіндегі жаңа ақша-кредит саясатын жүзеге асыруға өту, валюта дәлізін алып тастап, еркін ауытқу дәлізіне өту туралы сөз болып отыр. Мұндай шешім әлемдік экономикадағы жағымсыз факторлардың күшеюінің негізінде қабылданған.
