+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Орта салмақта WBC, WBA (Super) және IBO тұжырымдары бойынша әлем чемпионы Геннадий Головкин (38-0-1, 34 КО) Сауль "Канело" Альвареспен (49-1-2, 34 КО) өткізетін екінші кездесуінің қарсаңында мексикалық қарсыласы туралы өз пікірін білдірді, - деп хабарлайды Vesti.kz.
Орта салмақта WBC, WBA (Super) және IBO тұжырымдары бойынша әлем чемпионы Геннадий Головкин (38-0-1, 34 КО) Сауль "Канело" Альвареспен (49-1-2, 34 КО) өткізетін екінші кездесуінің қарсаңында мексикалық қарсыласы туралы өз пікірін білдірді, - деп хабарлайды Vesti.kz.
Қазақстандық пен мексикалық боксшы арасындағы екінші кездесу 15 қыркүйекте АҚШ-тың Невада штаты Лас-Вегас қаласындағы T-Mobile аренасында өтеді. Бір жыл бұрын дәл осы жерде қос боксшы кім мықтыны анықтай алмаған еді.
"Мен Альварес туралы ештеңе ойламаймын, оның командасы өзгерістер енгізуі тиіс. Мен осыған қадалып қалғаным жоқ, барлығын 15 қыркүйекте көретін боласыздар. Арамызда әңгімелер көп, бірақ мұның барлығы жекпе-жекті қыздыру мақсатында істеліп жатыр. Альварестің командасын тыңдайтын болсақ, мен мүлдем боксшы емеспін. Егер мен сондай әлсіз болсам, бірінші жекпе-жекте неліктен олар жеңіске жеткен жоқ? Мен жеңіске жетуім керек, сол себепті мен өз жұмысымды істеп жатырмын. Төрешілердің жұмысына баға бере алмаймын. Мен төреші емеспін, боксшымын. Мен тек өз жұмысымды істеуім керектігін ғана білемін", - деді Головкин журналистердің сұрағына жауап беріп.
Сондай-ақ, чемпион Альварестің допинг дауы жайлы да сөз қозғады. Олардың екінші кездесуі 5 мамырда осы себептен болмай қалған еді.
"Оған (Альвареске) қазір допинг дауынан кейін беделін қайта көтеру керек. Есі дұрыс адамның барлығы да оның ақталғысы келетінін, болмайтын сылтау айтып жүргенін көріп жүр. Мұнысы дұрыс емес. Жігіттік жасамады, бірақ сол үшін ол жазаланды. Ол допинг қолданды. Оны біз анықтаған жоқпыз. Мұны комиссия анықтады, олар жай бірдеме анықталды дей алмайды. Олар барынша ақталумен әлек, мұнысы ұят. Әрине олар осы жекпе-жекте қалайда жеңіске жеуді мақсат етіп отыр. Өздерін осылайша ақтап алғысы келеді. Олар өз командасының кінәсі жоқ екенін айтуда, алайда барлығы да сол команданың кінәсі екенін біледі. Олар не айтса да, тек ақталу үшін істеп отыр", - деді қазақстандық боксшы.
