+7 (777) 001 44 99
Қазақша
Русский
English
Қазақша
Русский
English
Қазақстандық әртістердің үздік әндері Астанада Gakku Әуендері концертінде орындалады және естелік мүсіншелері беріледі. Марапаттау рәсімін Gakku телеарнасы өткізеді. Шара 18 мамырдағы Астанадағы "Қазақстан" орталық концерт залында өтеді.
Хитке айналған композицияларды телекөрермендер Қазақстан бойынша сайт арқылы сүйікті әншілеріне дауыс беру арқылы таңдады. Телеарна басшысы Санжар Мұстафин Gakku телеарнасының қазақстандық дарынды орындаушыларды қолдау үшін, оларға өзін дамытатын алаң беру үшін құрылғанын атап өтті. Тегін жариялау саясатының қорытындысында көптеген орындаушы елге өзін көрсете білді, бұл арқылы отандық контенттің деңгейі жоғарылады.
"Бұл концерт - қазақстандық музыканың әлдеқашан бәсекеге қабілетті болғанының және танымал екендігінің қосымша бір дәлелі. Өткен жылы біз Алматыда алаңда 60 мың адамды жинап, мұны дәлелдей алдық. Өзіміздің өнім сапалы болған күн туды. Өнім тамаша, бұрын адамдар отандық музыканы тыңдайтынын айтуға арланатын болса, енді мұны мақтанышпен айтатын болды. Жас орындаушыларға белсенді түрде қолдау білдіріп жатқан "Жұлдыз FM" радиостанциясына, Мәдениет басқармасының басшысы Болат Мажағұловтың қолдауы үшін Астана әкімдігіне ерекше алғыс айтқым келеді", - деді Мұстафин.
Жанды дауыста ән айтылатын шоу ең қызықты әрі хитке айналған заманауи әндерді ұсынады. Әли Оқапов, Бейбіт Күшқалиев, Жанар Дұғалова, Серік Ибрагимов, Қайрат Баекенов, Аюми, Диас Аблаев, Қайрат Нұртас, Мақпал Исбаекова, Кәмшат Жолдыбаева, Луина және Биг Сом, Орда, Айқын, Төреғали Төреәлі, Ninety One, Лидо, "Аll Давай", Санда, The Jigits, Бүркіт пен Аиша, Rin’Go, Ерке Есмахан сияқты әншілердің өнер көрсететіні белгілі. Кешті елге белгілі Тұрсынбек Қабатов, Гүлнара Сілбаева, Марат Оралғазин және Еркебұлан Мырзабек жүргізеді.
Әртістерге шығармашылық алаң берген телеарна авторлық құқықты қорғау бойынша да оларға қолдау көрсетпек. "Біз жастардың міндеттері ғана емес, құқығы да болуы үшін авторлық құқық жөнінен де жағдай жасамақпыз", - деді ол.
Сонымен қатар, Мұстафин таяуда елімізде тек қазақстандық контент ұсынатын тағы бір телеарнаның пайда болатынын хабарлады. Бірақ оның мән-жайы кейінірек белгілі болады.
