+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Мәскеуге көшіп кеткен тараздық 13 жастағы Бибісара Асаубаева ерлер арасындағы халықаралық шебер нормасын орындады. Мамандардың өзі құбылыс деп баға беріп отырған жетістік жайлы қыздың анасы Лиана Таңжарықова Tengrinews.kz тілшісіне айтып берді.
Мәскеуге көшіп кеткен тараздық 13 жастағы Бибісара Асаубаева ерлер арасындағы халықаралық шебер нормасын орындады. Мамандардың өзі құбылыс деп баға беріп отырған жетістік жайлы қыздың анасы Лиана Таңжарықова Tengrinews.kz тілшісіне айтып берді.
Бибісара Минск қаласында ерлер арасындағы Еуропа чемпионатына қатысты. Ол үш рет жеңіліс тауып, үш рет жеңіске жетіп, тағы төртеуінде тең түскен. 11 ұпайдың 5,5-ын жинаған ол 141 рейтингінде Эло пунктін орындады.
"Мұндай ешкімнің қолынан келмеген", - деді Бибісараның анасы.
Жас шахматшы Германия, Израиль, Польша, Түркия, Украина, Ресей және тағы да басқа елдердің ересек гроссмейстерлерімен ойнады.
"Бұл турнир өзіме қатты ұнады. Ерлермен ойнаған жаныма жақын! Турнир бойы ұпай жайлы, перфоманс жайлы ойламадым, тек ойын жайлы бас қатырдым, шахматтан ұстазым Анастасия Сорокина халықаралық шебер нормасын орындағанымды айтып, құттықтағанда ғана қатты таңғалдым - мен халықаралық шеберлер ұпайын орындадым! Рақмет, Минск! Сені сүйіп қалдым! Кездескенше!", - деп қуанышын бөлісті ол.
© facebook
Айта кетейік, 31 қазанда Асаубаева балалар арасындағы әлем чемпионатын бесінші рет ұтты. Осыған дейін 12 жастағы шахматшы қыз Бибісара Асаубаеваның биылғы тамыздан бері Қазақстан емес, Ресейдің намысын қорғайтыны хабарланған.
