+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Қарағанды облысы ІІД қызметкерлері кісі қолынан қаза тапқан Айбек Мұстақаевтың туыстарының ашық хатына жауап берді. Айта кетейік, туыстары Айбектің өліміне полиция қызметкерлерінің де қатысы бар деп есептейді. Гүлзат Қапбасованың хаты бірнеше ақпарат құралдарында жарияланды.
Қарағанды облысы ІІД қызметкерлері кісі қолынан қаза тапқан Айбек Мұстақаевтың туыстарының ашық хатына жауап берді. Айта кетейік, туыстары Айбектің өліміне полиция қызметкерлерінің де қатысы бар деп есептейді. Гүлзат Қапбасованың хаты бірнеше ақпарат құралдарында жарияланды.
"Қазіргі уақытта ҚР Қылмыстық Кодексінің 99-бабы - "Кісі өлтіру" бойынша қылмыстық іс қозғалды. Қылмысты ашуға бағытталған жедел-тергеу шаралары жүргізіліп жатыр. Қапбасованың хатында көрсетілген деректерді анықтай келе, ІІД басшысының бұйрығымен бірнеше қызметкер тәртіптік жауапқа тартылды. Қызметтік тексеріс жүргізілді. Тергеу бойынша басқа мәліметтер жария етілмейді", - деді ведомство өкілдері Tengrinews.kz тілшісіне берген сұхбатында.
Еске салайық, 22 жастағы Айбек Мұстақаев Қарағандыда 2016 жылдың 3 қаңтарында жоғалып кеткен болатын. Жас жігіттің денесі 24 наурызда Абай қаласындағы 2-ші ықшамауданнан табылды. Тергеу мәліметінше, ол миына қан құйылып, бастан алған жарақаттан, сонымен қатар сүйек сынықтарынан қайтыс болған.
Айбек Мұстақаев. Суретті туыстары жолдады.
Кейін Айбектің туысы ақпарат құралдарында ашық хат жариялады. Онда өздері көмек сұрап барған полицейлердің осы қылмысқа қатысы бар екені айтылады. Оның айтуынша, тергеушілер жоғалып кеткен жігітті әдейі іздемеген.
"Олар Айбектің анасына ұлының қайда екенін білетіндерін айтып, бізді әдейі шатыстырды. Сонымен қатар, біз оларға Айбектің телефонындағы қоңыраулардың тізімін ұсындық, онда белгісіз номерлер болса да, полицейлер олардың иесін анықтауға асықпады. Айбек жалғыз қалдырылған жерге жақын маңнан табылған қан іздеріне де сараптама жасамады", - делінген хатта.
"Мен осы қылмысқа барлығының: Прокуратура, Басқарма мен Департаменттің қатысы бар деп күдіктенемін... Олардың анық әрекетсіздік танытуы құқық қорғау органдары қызметкерлерінің біреуді әдейі жасырып отыруын көрсетеді... Мен көрсеткен қызметкерлердің барлығы өз міндеттерін орындамағандары үшін жазалануы тиіс. Егер олар өз уақытында әрекет еткенде, Айбекті тірі табуға болар ма еді", - деді Гүлзат Қапбасова.
Төменде Айбек Мұстақаевтың туыстарының Қазыбек би аудандық прокуроры Қаржаспаевқа, Қарағанды облысы ІІД басшысы Мергенбай Жаппаровқа, сонымен қатар, "Нұр Отан" партиясына жолдаған хаты мен олардың жауаптарының көшірмесі келтірілді.
