+7 (777) 001 44 99
Қазақша
Русский
English
Қазақша
Русский
English
Қоғам белсендісі Абай Ерекенов Алматыда үш миллион ағаш отырғызуды ұсынды, - деп хабарлайды Tengrinews.kz тілшісі. Ол өз идеясын ҚХКП кеңсесіндегі экология мәселесі бойынша кездесуде айтты. Оның ойынша, қаладағы ағаштар жеткілікті түрде оттегі шығара алмайды.
Оның айтуынша, бұл сан кеңестік құрылыс нормалары мен ережелеріне негізделген. "Бізде халық саны - 2,5 миллион. Кеңестік құрылыс нормалары мен ережелері бойынша әр адамға 12 мен 15 шаршы метрге дейін көшет керек". Бұл шамамен 40 шақырым көшет. Осы халық санына сәйкес, Алматыда үш миллион ағаш отырғызу керек. Әр көлік үшін 50-60 шаршы метрден отырғызу керек", - деді ол.
Экологтың айтуынша, қала ауасындағы оттегі құрамы - шамамен 15-17 пайыз. Мұның үстіне қалада нығыздалған құрылыс салу жалғасып жатыр. "Қала орталығына уақыт өткен сайын автокөлік тартылып жатыр. Егер оттегі құрамы 14 пайыз болса, қаладағылар тұншыға бастайды", - деді ол. Ол сонымен қатар, Алматыдағы лас ауа респираторлық аурулардың себебі болатынын айтты.
ҚХКП кеңсесіндегі кездесуге қатысып отырған Алматы қалалық табиғи ресурстар және табиғатты пайдалануды реттеу басқармасы бастығының орынбасары Мұрат Батырбаев өз кезегінде 2011 жылдың инвентаризациялау мәліметі бойынша 1 миллион 319 мың көшет барын және оның ішінде ағаштардың да барын айтты. 2014 жылы ағашты заңсыз кесу бойынша сегіз іс қозғалды. "Осы жылы 13 131 аға отырғызылды. 9 ай бойынша құлайын деп тұрған 3724 ағаш кесілді, 26 мың ағаш санитарлық шара мақсатында қырқылды. Үш жыл ішінде 35 мың шіріген және құлайын деп тұрған ағаш кесілді", - деді ол. Басқарма басшысының орынбасары, сонымен қатар, қалада жаңа ағаш отырғызу жалғасатынын айтты. Мұнымен бірге, оның айтуынша, қалада әр тұрғын үшін көшет отырғызу нормасы сақталып отыр.
