+7 (777) 001 44 99
Қазақша
Русский
English
Қазақша
Русский
English
Түркістан облысы Сарыағаш ауданының тұрғыны оқушы ұлының зорланғандығын дәлелдей алмай жүр. Алтынкүл Арапова бір жылдан бері әділдік таппай жүргенін айтты, - деп хабарлайды "Астана" телеарнасы.
Телеарнаның мәліметінше, оның 14 жастағы ұлын интернатта бірге жататын ауылдастары зорлап келген, бірақ сотта ақталып шыққан. Баласы бастауышты бітіргелі ауылдастарынан ажырамай, интернатқа келген. Анасының айтуынша, осында оны өзінен жоғары класта оқитын ағайынды екі бала зорлап келген.
Былтыр қыркүйекте белгілі болған іс сотқа да жеткен. Бірақ судья зорлау расталмады деп ұйғарған. Алтынгүл Арапова апелляциялық шағымнан да әділет таппадым деп күйініп отыр.
"Мені тыңдаған да жоқ, сол барлығы бір ауыл боп, бір ауыз боп барлығы әкімият, мектеп, интернат барлығы Сарыағаш, Түркістан облысы барлығы осы істі жапты. Қазір ақшамен жауады, бәрі ақша деп ойлаймын", - дейді жәбірленушінің анасы Алтынкүл.
Баланың адвокаты қолдарындағы дәлел де, оны растаған куәгерлер сөзі де ескерілмегенін айтады.
"Біздің пікіріміз бойынша бұл жерде "астар" бар деп санаймын бұл істің. Себебі егер де зорлаған баланы соттайтын болса онда интернатты жабу керек. Ол интернатқа қаржы бөлініп жатыр, оған әкімшіліктердің де қатынасы бар деп санаймын. Менің ойымша, бұл жерде қаржы мәселесі жатыр ма деп ойлаймын. Жемқорлық мәселесі бар деп ойлаймын. Сол үшін сот әділ болмайды деп санаймыз. Неге десеңіз алқа билер қалай болады, алқа билер сол әкімшіліктен келеді көбі", - дейді адвокат Айман Омарова.
Ал жәбірленген бала, телеарнаның мәліметінше, былтырдан бері сабаққа барып жүрген жоқ. Қатарластары мазақ қылатын көрінеді. Анасы содан бері ұлының мінезі де, денсаулығы да күрт нашарлағанын айтады.
Анасының айтуынша ұлы Алматыда оқығысы келеді. Бірақ мектептің балаға берген мінездемесі тым нашар көрінеді. Ал Сарыағаш аудандық білім бөліміндегілер оған ешқандай кедергі жоқ деп отыр.
