+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
АҚШ-тың қаржы министрі Стивен Мнучин күдікті сәлемдеме алды, оның іші жылқының тезегіне тола болған. Бұл жөнінде NBC News хабарлады.
АҚШ-тың қаржы министрі Стивен Мнучин күдікті сәлемдеме алды, оның іші жылқының тезегіне тола болған. Бұл жөнінде NBC News хабарлады.
Лос-Анджелестегі Бель-Эйр ауданына саперлер жасағы жетті. Қорап Мнучиннің көршілерінің үйінің жанына қалдырылған, бірақ сәлемдемеде министрге екені жазылыпты.
NBC телеарнасының құқық қорғау органдарындағы дереккөздеріне сенсек, қорап сыйлыққа арналған қаптамамен оралған. Ішінде ашық хаты бар екен, онда Мнучин мен АҚШ президенті Дональд Трамптың аты-жөні айтылады. Телеарнаның мәліметінше, ашық хатта қорқыту мәндегі ештеңе жазылмаған, алайда автор 22 желтоқсан күні Трамп қол қойған салыққа қатысты заңды қатаң сынаған.
Lenta.ru мәліметтері бойынша, президент каникулға кетер алдында қол қойған жаңа заң салық заңнамасы бойынша АҚШ-та 1986 жылдан бері жіті қайта қаралған заң болды.
Жаңа құжатқа сәйкес, ірі корпорациялар мен ауқатты америкалықтар салық жүктемесінің бір бөлігінен босатылады, алайда бұл аз қамтылғандарға аса қатысты емес. АҚШ үкіметінің пікірінше, бұл экономиканы өсіреді және орта таптың жағдайын жақсартады, бірақ сарапшылар бұл шара мемлекет қарызын тағы 1,5 триллион долларға ұлғайтады деп отыр.
