+7 (777) 001 44 99
Қазақша
Русский
English
Қазақша
Русский
English
ҚР Инвестициялар және даму министрлігінің өкілдері Samsung Galaxy Note 7 смартфондарының иелерінен және жолаушылардан ұшақ бортында смартфондарды қолданудан бас тартуға кеңес береді, - деп хабарлайды Tengrinews.kz тілшісі.
Ведомствоның баспасөз қызметіндегілердің мәліметінше, Samsung компаниясының Galaxy Note 7 маркалы телефонға қатысты айтылған ресми мәлімдемесінің негізінде, ҚР Инвестициялар және даму министрлігінің Азаматтық авиация комитеті жолаушылар мен экипаж мүшелерінен бортта Galaxy Note 7 гаджеттерін қолданудан бас тартуын сұрайды.
"Бортта осы құрылғыларды өшіріп, қуаттамай, сондай-ақ оларды жүкте сақтамауға кеңес береміз. Смартфондар өздігінен қызып, бұзылатын жағдайда ұшақтағы экипаж мүшелеріне хабарлауыңызды өтінеміз. Осыған байланысты кеңестер Қазақстандағы барлық әуе компания өкілдеріне айтылды", - деді министрліктің өкілдері.
Айта кетейік, осыған дейін қазақстандық әуе компаниялар Samsung Galaxy Note 7 смартфондарын алып өтуге тыйым салған болатын.
