+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
ҚР Президенті Нұрсұлтан Назарбаев ҰҚШҰ Ұжымдық қауіпсіздік кеңесінің отырысына қатысты, - деп хабарлайды Tengrinews.kz тілшісі Ақордаға сілтеме жасап.
ҚР Президенті Нұрсұлтан Назарбаев ҰҚШҰ Ұжымдық қауіпсіздік кеңесінің отырысына қатысты, - деп хабарлайды Tengrinews.kz тілшісі Ақордаға сілтеме жасап.
Армения Республикасының Президенті С.Саргсян, Беларусь Республикасының Президенті А.Лукашенко, Қырғыз Республикасының Президенті А.Атамбаев, Ресей Федерациясының Президенті В.Путин және Тәжікстан Республикасының Президенті Э.Рахмон қатысқан отырысқа тілшілер кіре алмады. Тілшілер протоколдық түсірілімге ғана қатысты.
Кездесу барысында тараптар ҰҚШҰ-ның жауапкершілігі аймағындағы қазіргі ахуал мен әлемнің бірқатар өңірлеріндегі шиеленістің ушығуына байланысты Ұйымның бұдан арғы іс-қимылы жөнінде пікір алмасты. Сонымен қатар ҰҚШҰ тұрақты органдарының лауазымды тұлғаларының ротациясы мәселелері қаралды.
Мемлекеттер басшылары БҰҰ Жарғысына, халықаралық құқық нормалары мен қағидаттарына сәйкес кең ауқымды антитеррорлық коалиция қалыптастыру қажеттігіне тоқталды. Отырысқа қатысушылар терроризмге қарсы күрес оны қаржыландыру көздерін шектемейінше нәтижелі болмайтынын атап өтті.
Іс-шарада Сириядағы антитеррорлық іс-қимылға қатысқан Ресейдің Су-24 әскери ұшағын атып түсіруге байланысты оқиға да талқыланды. Тараптар ҰҚШҰ-ның күш-қуат әлеуетін нығайтуға, контртеррорлық бағыттағы жұмыстарын жандандыруға, жаңа қауіптер мен сын-қатерлерге қарсы тиімді іс-қимыл жасау мақсатында жедел әрекет ететін ұжымдық күштердің дайындығын арттыруға ниетті екенін қуаттады.
Сонымен қатар мемлекеттер басшылары бірауыздан ҰҚШҰ Бас хатшысы Н.Бордюжаның өкілеттік мерзімін 2017 жылғы 1 қаңтарға дейін ұзарту туралы шешім қабылдады. Кездесу қорытындысы бойынша мынадай құжаттар қабылданды: ҰҚШҰ мемлекеттері басшыларының мәлімдемесі; ҰҚШҰ Ұжымдық қауіпсіздік кеңесінің "ҰҚШҰ тұрақты қызмет ететін жұмыс органдарының лауазымды тұлғаларының ротациясы туралы" шешім; ҰҚШҰ Ұжымдық қауіпсіздік кеңесінің "ҰҚШҰ Бас хатшысы туралы" шешімі.
Айта кетейік, осыдан кейін Жоғарғы Еуразиялық экономикалық кеңесі өтеді. Бұған дейін Кремльде Қазақстан Президенті Нұрсұлтан Назарбаев пен Ресей басшысы Владимир Путиннің екіжақты кездесуі өткен еді.
