07 маусым 2016 | 18:38

Тасмағамбетов Қытайдың қорғаныс ведомствосының басшысымен кездесті

ҚР Қорғаныс министрі Қытай Халық Республикасы қорғаныс ведомствосының басшысымен кездесу өткізді, - деп хабарлайды Tengrinews.kz тілшісі ҚР Қорғаныс министрлігінің баспасөз қызметіне сілтеме жасап.

ҚР Қорғаныс министрі Қытай Халық Республикасы қорғаныс ведомствосының басшысымен кездесу өткізді, - деп хабарлайды Tengrinews.kz тілшісі ҚР Қорғаныс министрлігінің баспасөз қызметіне сілтеме жасап.

"Бүгін Шанхай ынтымақтастық ұйымы қорғаныс министрлері кеңесінің өткізілуі шеңберінде Астанада Қазақстан Республикасының Қорғаныс министрі Иманғали Тасмағамбетов пен Қытай Халық Республикасы қорғаныс ведомствосының басшысы генерал-полковник Чан Ваньцюаньнің екіжақты кездесуі өтті", - делінген хабарламада.

Сонымен қатар, қазіргі уақытта қазақстандық-қытайлық ынтымақтастықтың жағдайы жоғары деңгейде тұрғаны айтылады. Бұл Қазақстан мен Қытай арасындағы тату көршілік, достық пен ынтымақтастық туралы шартта негізделеді. "Екіжақты ынтымақтастық туралы айтқанда әр жыл сайын әскери және әскери-технкалық салаларда қазақстандық-қытайлық өзара іс-қимыл тұрақты оң серпінге ие екенін атап өтуге болады", - деп хабарлады ведомствоның баспасөз қызметіндегілер.