+7 (777) 001 44 99
Қазақша
Русский
English
Қазақша
Русский
English
Оралда жолаушылар автобусы электр сымдары жүргізілген үш бағанды соғып кетті, деп хабарлайды "Мой Город".
Жолаушылар автобусының артында келе жатып бұл оқиғаны видеотіркегішке түсіріп алған куәгерлердің айтуына қарағанда, төтенше жағдай 8 қараша күні 21.30-да Селекционный ауылында болған. Видетіркегіш иесінің айтуына қарағанда, жолаушылар автобуысы сағатына 90 шақырым жылдамдықпен жүрген. "Жолаушылар автобусының жүргізушісі мас болса керек, себебі, автобусты дұрыс басқара алмай келді - автобус жолдың бір бағытында жүрмей, қарсы бағытымен де қозғалды. ЖҚК зауыты маңында жүргізуші жылдамдықты төмендетпей автобусты бұрып жіберді", - деп жазады дереккөз.
Жолаушылар автобусы жасыл түстен өткеннен кейін қарсы бағытқа шығып кетті. Содан соң жолдың жиегіне шығып қоғамдық көлік электр сымдары жүргізілген бағанға барып соғысты. Кейін автобус соғысқан баған қатарласа тұрған екі бағанды жұлып кетті. "Кейбір куәгерлер қоғамдық көліктен 43 бағыттың белгісі болғанын айтса, енді бірі №12 бағыттың белгісін көргенін айтады. Төтенше жағдай кезінде автобустың ішінде өз-өзін жүргізушінің досымын деп таныстырған бір ғана жолаушы болған", - деп хабарлайды дереккөз. Кәугерлердің айтуына қарағанда, жүргізушіні автобустың ішінен оқиға болған жерден өтіп бара жатқан адамдар шығарған. Оны жедел жәрдем алып кеткен.
Еске салайық, 25 қазан күні таңертең сағат 09:00 Қарағанды-Балқаш автокөлік жолында жолаушылар көлігінің қатысуымен жол көлік апаты болған еді. Шет ауданынан келе жатқан жолаушылар автобусының жүргізушісі автобусты басқара алмай қалған. Облыстық "Жедел жәрдем медициналық көмек" станциясының мәліметінше, жол апаты салдарынан зардап шеккен бес жолаушы ауруханаға жеткізілген.
