+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Германия канцлері Ангела Меркель Еуроодақ пен Еуразиялық экономикалық одақ (ЕАЭО) арасындағы ортақ экономикалық кеңістік туралы келіссөздер жүргізу украин дағдарысын реттеу жөніндегі Минск келісімінде ілгерілеушілік байқалған жағдайда ғана мүмкін болады деп мәлімдеді. Бұл туралы РИА Новости хабарлайды.
Германия канцлері Ангела Меркель Еуроодақ пен Еуразиялық экономикалық одақ (ЕАЭО) арасындағы ортақ экономикалық кеңістік туралы келіссөздер жүргізу украин дағдарысын реттеу жөніндегі Минск келісімінде ілгерілеушілік байқалған жағдайда ғана мүмкін болады деп мәлімдеді. Бұл туралы РИА Новости хабарлайды.
Қараша айында Ресейдің экономикалық даму министрлігі Еуропалық комиссияға ЕАЭО мен ЕО арасында экономика мен бизнес-серіктестік жөнінде жаңа диалог жүргізу туралы ұсынысты жолдаған. "Егер біз Минск хаттамасының 12 тармағының орындалуында айтарлықтай прогресті байқайтын болсақ, біз мұндай қадамға дайынбыз, өйткені Ресей мен Украина экономикалық қатынастарда тығыз байланыста", - деп жауап берді Меркель бұл ұсынысқа. "Өз тарапымнан біздің Ресеймен, Қазақстанмен және Беларусьпен үлкен экономикалық аймақ құруға қарсы емес екенімізді айтқым келеді", - деді ол.
Германия канцлері егер Киев реформалар жүргізетін болса, Еуропа одағынан экономикалық көмек ала алатынын жеткізді. "Біз көмектескіміз келеді, бірақ ол үшін нақты экономикалық реформалар мен жемқорлыққа қарсы ауқымды күрес жүргізілуі керек. Мұны ел азаматтары да күтеді деп ойлаймын", - деді Меркель Еуроодақтың жоғары деңгейдегі кездесуі кезіндегі баспасөз мәслихатында. Канцлер бұл елге әскери көмек көрсету мәселелері талқыланбағанын айтты.
Бұған дейін Меркель Еуроодақтың Ресейдің әрекеттеріне тиісті жауап қайтаруы дұрыс деп есептейтінін мәлімдеген еді. Ол "Мәскеу 1994 жылғы Будапешт меморандумында бекітілген Украинаның аумақтық тұтастығы мен егемендігін бұзды, бұл әрекеттерді салдарсыз қалдыруға болмайды" деген болатын.
